النهارده وعي مزيكا كافيه وبس
انا حبيت النهاردة اتكلم عن موضوع ال Nokia N95 8GB وطبعا بعد الكلام الكتير والاسئلة اللى عمالة تدور فى دماغ كل واحد قررت اعمل الموضوع ده
واحد بقى يسألنى هو ايه الفرق ما بين الاتنين ؟؟؟؟
اقولو بقى انا الفرق واحدة واحدة بقى كده
1- الجهاز بقت الذاكرة الداخلية بتاعته 8 GB الله عليكى يا نوكيا تخلينا نشترى العادى علشان تنزلى ابو 8 جيجا ههه ما علينا .
2- شالوا منو الميمورى كارد تليقكو دلوقتى بتقولوا ايه البارد ده هو عايز ايه بعد ال8 جيجا.
3-طبعا كبرو الشاشة بقت 2.8 وطبعا القديمة كانت 2.6 والاثنين 16 مليون لون (الحمد لله لقينا حاجة متشابهة وياليت الواحد هيشوف الفرق بين ال16 مليون لون و265 الف لون ).
4-علو الرام بتاعة الموبايل بقت 128 وكانت قديما 64 وطبعا ده له دور كبير فى سرعة الجهاز وتصفح تطبيقات اكتر واكتر .
5-البطارية وكانت من احدى المشاكل الرئيسية للجهاز ودلوقتى بقت 1200mAh وكانت قديما 950mAh .
6-غير حجم زراير المالتى ميديا بتاعة الام بى ثرى بقت اضخم عن الاول وبقت شكلها وحش اوى ده عن رأيى .
7-شالوا واقى الكاميرا وطبعا ده علشان يقدروا يركبوا البطارية الجديدة الاكبر فى الحجم عن ما سبق .
8-مشكلة السلايدر فى الفتح والقفل واللى كان بينزل لوحدة تم حلها والجهاز السلايدر بتاعه بقى 10 / 10 .
الجهاز بقى هينزل ان شاء الله فى الاسواق الاوربية شهر عشرة فى الربع الرابع من 2007 وطبعا هيبقى سعره 560 يورو
غير شامل الضرائب ولا الجمارك ينى هيبقى من 650 :750 يعنى ما يقارب 5500 جنيه مصرى وطبعا لغاية هنا سعره جميل ولكن يا ترى هيجيلنا هنا مصر امتى وبكام ؟!!!!!!!!!!!!!!!
ودي بعض الصور للجهاز دا...
ودى بقى صورة من موقع بيع بيقول انوا هيبقى متوفر يوم السبت الموافق 1 ديسمبر عام 2007 يعنى فى امل يجى مصر على شهر واحد وسعرو 1000$ ده غير الشحن اسيبكم مع الصورة :
من قلب الحدث كان معكم ... وسوس
الإثنين سبتمبر 03, 2007 1:06 am
